بقلم:نورا عمرو

مسلسل قام بغزو البيوت المصرية بكل بساطة وهو مسلسل “أبو العروسة” وأصبح رواد التواصل الاجتماعى يتعاملون مع صفحات شخصيات المسلسل ويكأنها شخصيات حقيقية .
وبمجرد نشر صاحب دور الأب فى المسلسل وهو “عبد الحميد منصور جاد الله”منشور فكاهى يظهر فيه عدم استطاعته ان يتعامل مع عالم الفيس بوك وفورا يتفاعل معه الكثير جدا من الناس .
وفالحقيقة أدهشتنى بعض التعليقات التى أراها أزمة و سأتحدث عنها..
وجدت أغلب متابعيين الصفحة الشخصية للأب فى المسلسل بتتعامل معه وكأنه شخصية حقيقية وهذا دليل على الواقع الأليم المحاط به أغلب المجتمع لدرجة ان الكثير بيطلب منه فى التعليقات يعيش عندهم فى بيتهم يكون أب أو أخ أو جار حتى أو أى شخص عابر المهم يكون موجود فى حياتهم حتى . حقيقى دى أزمة ..أزمة قلة اهتمام..أزمة عدم احتواء..أزمة أن كل فرد مش قايم بدوره تجاه اللى حواليه ..أزمة قلة حب .. أزمة عدم تقدير..
كمان قصة حب طارق وزينة فى المسلسل انتشرت على الفيس بوك والبعض قال “ايه الأوفر ده” ومحدش بيحب حد! كده وجزء كان منبهر جدا وجزء بيشجع فى صمت ..حقيقى فى مرض فالمجتمع اسمه أى حاجة حلوة تبقى اوفر ومش حقيقية وان كل حاجة هنقابلها قليلة عن ما نتوقع ولازم نكون راضيين بالقليل فى معاملاتنا الاجتماعية ..
رسالة لكل شخص (أب،اخ،زوج،عم،خال،صديق) نهتم ونحب كل شخص فى حياتنا لأنه الإهمال بيقابلوا إهمال والبادى أظلم والاهتمام بيقابلوا اهتمام كتير وحياة حلوة كمان ودائما توقعوا الأفضل .
عبد الحميد منصور جادالله واقع وطارق واقع كمان ولكن لازم نؤمن بوجود كل حاجة حلوة فى حياتنا ويكون عندنا عطاء لكل حد فى حياتنا ونقرب منهم ونكتشفهم ..