احمد عنانى
اعترف المهندس الاستشاري ممدوح حمزة، بصحة التسجيلات التي أذاعها الكاتب الصحفي عبدالرحيم علي، رئيس مجلس إدارة ورئيس تحرير “البوابة نيوز” ومقدم برنامج “الصندوق الأسود”.
وقال حمزة، خلال برنامج “بدون مكياج”، مع الإعلامي طوني خليفة على فضائية “القاهرة والناس”: “بالنسبة لتسجيلاتي التي أذاعها عبد الرحيم علي مع سمير فرج فهي صحيحة وليس بها أية شائبة على الإطلاق “.
يشار إلى أن الإعلامي عبدالرحيم، أذاع عبر برنامجه المثير “الصندوق الأسود”، عددا من التسجيلات للمهندس الاستشاري ممدوح حمزة، مع سمير فرج أحد رموز نظام مبارك، للتوسط له وترشيحه لمنصب وزير الثقافة في حكومة عصام شرف.
وجاء نص المكالمة كالآتي:
سمير فرج: ألو أهلا يا ممدوح.. أنا سمير فرج.. إزيك
ممدوح حمزة: أهلا أهلا أهلا إزاي الصحة يا فندم
سمير فرج: بقولك إيه
ممدوح حمزة: أؤمر يا فندم
سمير فرج: أطمع في الترشيح من عندكم كده.. للثقافة المرة دي
ممدوح حمزة: طب حاضر
سمير فرج: المشير قالي المرة اللي فاتت الإعلام أنا لغتها.. قالي المرة دي لو هما في الثقافة طلبوك أنا معنديش مانع.. الموضوع عليك يا ممدوح
ممدوح حمزة: طيب أوكى أوكي
سمير فرج: شكرا شكرا
وأذاع على، مكالمة أخرى للناشط السياسي ممدوح حمزة مع نصر عبد الحميد، عضو المكتب التنفيذي لائتلاف شباب الثورة، يتوسط خلالها لمصلحة سمير فرج كي يكون وزيرًا للثقافة في حكومة عصام شرف.
وجاء نص المكالمة كالآتي:
ممدوح حمزة: ألو أيوه عملت إيه؟
نصر عبد الحميد: أنا اتزنقت بس عندنا في المهندسين.. أنا في الطريق رايح على هناك أهو.
ممدوح حمزة: طيب ماتنساش تطلعونا الموضوع ده مكسب كبير جدا لينا.. الراجل ده ضمانتي وبعدين هو رجل طنطاوي الأول.. إفهم دي.
كما أذاع عبد الرحيم على، مكالمة يؤكد خلالها الناشط السياسي ممدوح حمزة، لـ”سمير فرج” أن اسمه الوحيد المرشح لمنصب وزير الثقافة في حكومة عصام شرف.
وجاء نص المكالمة على النحو الآتي:
سمير فرج: أيوه يا ممدوح
ممدوح حمزة: إيه.. هما بيعملوا “لست” دلوقتي لكل الوزارات.. الثقافة هيحطوا اسم واحد مش هيحطوا ثلاثة أسماء زي باقي الوزارات
سمير فرج: خلاص.. ماشي.. عليك أنت بقى
ممدوح حمزة: أه.. ده اللي وعدوني بيه دلوقتي حالا لسه مكلمهم
سمير فرج: ربنا يخليك يا ممدوح.. وربنا يقدرني إني أردلك الكلام ده.
كما أذاع تسجيلا للناشط السياسي ممدوح حمزة يشيد خلاله برموز نظام مبارك ومنهم فايزة أبو النجا وسمير رضوان.
وقال حمزة خلال التسجيل، “سمير رضوان كل اللي عمله من ساعة ما جه الناس مبسوطة منه.. وفايزة أبو النجا في إيدها خيوط التعاون الدولي وتقدر تلغي كل ديون مصر”