ابو بكر: رموز 30 يونيو كتيره و مشرفه جدا بس الحظ ما اسعدهمش..مفيش حاجة اسمها رموز ثورة 30 يونيو , ولا “عبد الرحيم علي” ولا “احمد موسي” ولا “عكاشه” ولا “تمرد” ولا “تجرد” ولا اي مخلوق تاني.. 

المتابعين: يسلم لسانك أنت جبت من الأخر وقلت اللي جوانا بالضبط..

أحد الشباب ساخرآ: أنا مش شايف أيوتها رموز غير الجيش والشرطة والبسطاء من الشعب والنخبة لما لاقت نفسها بره المناصب بثت السم من خلال الفضائيات..

كتب_ خالد جزر

عرض اليوم الرائد خالد أبوبكر أحد مؤسسي الجيش الإلكتروني علي صفحته الشخصيه فيس بوك بوست وصفه المتابعين بأنه الأشجع  وجاء مضمونه كالتالي:

رموز 30 يونيو اتفككوا , رموز 30 يونيو اتفرقوا ,, مفيش حاجة اسمها رموز ثورة 30 يونيو , ولا عبد الرحيم علي ولا احمد موسي ولا عكاشه ولا تمرد ولا تجرد ولا اي مخلوق تاني ,

رموز 30 يونيو هم الشباب المصري الجميل المثقف , هم المواطن الغلبان بتاع الفول و العيش , هم الناس اللي فعلا بيحبوا بلدهم و بيعشقوا ترابها و مستعدين يضحوا بارواحهم فداها بدون اي مقابل او كراسي او مناصب ,

رموز 30 يونيو كتيره و مشرفه و جدا بس الحظ ما اسعدهمش ولا بقنوات تليفزيونيه ولا برامج ولا يلزمهم الادوات اللي تلمعهم و تساعدهم علي مهمتهم في الشهره و الفلوس زي الرموز البلاستيك المزعومه ,

شعب مصر مليان فطاحل و نماذج مشرفه بس الاعلام قاصد انه يهمشهم و يركنهم و يسلط الضوء علي كل تافه او فاشل او وصولي و مصمم يحول كل شيء ماسخ لرموز

ولقي المنشور تفاعل كبير من الشباب، وانهالت التعليقات ع البوست بكل غيره و حماسه..

جاء كومنت “وائل سامي ” والله ولا عايزين،مش طالبين أكتر من إن بلدنا تكون فى أحسن حال وإن بكره بتاع أولادنا وأحفادنا يكون جميل ولو هاناكل تراب هانستحمل ولو هانموت من الجوع هانستحمل المهم بكره أولادنا مايشوفوش اللى شوفناه، بإذن الله هانسلم أولادنا الرايه مرفوعه فى السماء.

وجاء تعليق أحد الشباب “وليد شتا” يقول نزلت فى 30 يونيو و رجعت 3/7 باكل فول و طعمية وجبنة قديمة ، مش فارقة المهم بنام و مطمئن أن فى وطن أمن.

وأثني تعليق باسم ” كريمة كوثر” معبر ب الله ينور عليك الرموز المصريه الاصيله اللى بتكتفى ب العيش والطعميه وهى فى منتهى السعاده اللى بيظهر على الشاشات ومش عاجبه حال البلد وبيتكلم على الاكل هم ادنى مستوى فى الوطنيه همهم على بطنهم فقط انما الامن والامان ميلزمهش هؤلاء هم عار على البلد.