“البيان”تحاور الفنان”مصطفى الشعيبى”
نورا عمرو
“مصطفى الشعيبى” مطرب وملحن مصرى مواليد محافظة الجيزة عـام 1988
متى إكتشفت موهبتك الغنائية ؟
يمكن فى سن صغير كنت بقلد الفنانين وكنت بعرف أقلد أكتر من فنان _ما هو أول لحن لحنته؟ولمن كان؟ كان فية طبعا محاولات بسيطه متعتبرش ألحان وأول حاجة بعتبر إنى لحنتها “تعالى بجد ننهيها”وتعتبر أول حاجة نجحت ليا على مستوى السوشيال ميديا كلمات:الشاعر أحمد سرور ولحنى وتوزيع:إسلام رفعت
_هل هتسمر فى التلحين؟
ربنا يدينى العمر وأقدر أعمل كدة أنا بحب التلحين ومش بلحن عشان ماديا لكنى بلحن عشاان حابب أكون من ضمن صناع الغنوة والمطرب على قد ما هو لية دور كبير فى توصيل العمل الفنى للجمهور لكن بيبقى فية فريق عمل بيتعب أكتر من أى حد هوا اللى بيعمل الغنوة وازاى يعمل غنوة ناجحة والشاعر يكتب كلام جديد ومختلف والملحن يعمل حاجة جديدة ومختلفة والموزع كذلك والمطرب هو الدرع الأخير لصناعه الغنوة عشان يقدمها للجمهور وربنا يقدرنى وأستمر فى التلحين
_ما هو أكثر لحن قريب من قلبك ؟
الملحن دايما أى حاجة بيعملها بتكون طالعه من جواه أوى فكل الأغانى تعبت فيها لكن أول لحن فعلى وأكتر الحاجات اللى الناس تعرفنى بيها دلوقتى هى اغنية “تعالى بجد ننهيها” وهى أكتر حاجة قريبه ليا
_هل “يا وحشانى”نجحت؟
الحمد لله أنا متفائل دايما بربنا سبحانة وتعالى ويا وحشانى نجحت طبعا على مستوى السوشيال ميديا وأحيانا بسمعها فى الشارع ومشاهدة على اليوتيوب عالية بالنسبة لمطرب لسة جديد والحمد لله داخل على خمسين ألف مشاهدة فى أول شهر
_ ما هو مطربك المفضل؟
فضل شاكر أقرب إلى قلبى ونفسى ألحن ليه وأغنى معاه
_هل بتفكر فى التمثيل؟
طبعا خطوة مهمة بس دايما الانسان لازم يكون عندة هدف أول وأهداف بعد كدة وممكن التمثيل خطوة كويسة بس يجى بعد كدة لأن مينفعش أفكر فية دلوقتى لأنى لو فكرت فية مش ههتم بالأساس اللى هو الغنا والتلحين _ما هى أعمالك القادمة؟ محددتش ولكن من الممكن يكون فية أغنية تانية ووممكن أبدأ فى الألبوم علطول بس أتمنى يارب ان الجاى يكون خير والخطوات الجاية تعجب الناس
_ هل تفكر فى تصوير يا وحشانى كليب؟
بالفعل كانت هتتصور كليب ولكن محصلش نصيب فأنا مقتنع ان الأغنية لو هتتعمل كليب تنزل مع الغنوة ولكن مش شايف انها فكرة ناجحه فى نزل الأغنية ثم الكليب
– من تحب من الملحنين ؟
وهل تفكر فى التلحين لنفسك؟
بحب الملحن محمد رحيم ووليد سعد ومحمد النادى وخالد عز ورامى جمال وناس كتير وان شاء الله فية تجارب من لحنى ولكن مبحبش اللى بيعتمد على نفسة كملحن ومغنى وكاتب وموزع ودى فكرة فاشلة بكل المقاييس
_ لماذا غنيت “ياواحشانى”؟
كان لازم أبدأ بشىء مختلف وكاسر للقواعد قلبل لما نلاقى حد بيقول يا واحشانى يا أقرب ليا من روحى إللى سكنانى شوية تحس ان اللى بيتكلم شخصية ليها طابع مختلف وهو دة السبب إللى خلانى أعملها عن أغانى كتير عندى وأنا بحب الأغانى الرومانسية الهادية والمزيكا
_هل فكرت فى برامج الهواة؟
قدمت فى ستار أكاديمى 8 وكانت المرة الوحيدة إللى قدمت فى برامج ووصلت للفاينال كاستينج فى لبنان ولكن محصلش نصيب ان أكمل ولكن برامج الهواة بتفيد الفنان جدا وبتعمل لية قاعدة جماهرية كبيرة وبيكون مطالب بعد كدة انوا يخرج يشتغل وينجح ومش اى بينجح من خريجى البرامج دى لأن فية ناس مبتعرفش تشتغل على نفسها
_ ما سبب حبك للأغانى القديمة؟
تاريخنا وتاريخ المصرى اللى مالوش ماضى ومالوش حاضر فلازم أحب الأغانى القديمة طبعا لأننا اتربينا عليها وهية اضافة فى حياتنا كفنانين
_ما النوع الفنى الذى من المفترض أن يقدمة الفنان فى الوقت الحالى من وجهه نظرك؟
بتتحسب بالفئة فلازم الفنان يعرف فين مكانة وامكانياتة الصوتية ويشتغل على دة وفى نفس الوقت يقرب من المواطن العادى على شغله يوصل فلازم الفنان يقدم أغانى تشبة شخصيتة وميعملش حاجة مش راضى عنها لأن لو مش مقتنع بالفن اللى بيقدمة مش هيقدر يقدر يوصل للناس بيها
-هل ترى أن الغنا الشعبى مستحوذ على السوق؟
المزيكا ثقافة وكل انسان لية ثقافة معينة الغنا الشعبى مش مسيطر ولكن فية أغانى شعبية بتنجح زى “أة لو لعبت يا زهر” يا “منعنع”وكمان حماقى ينجح وعمرو دياب والفكرة فى مين مصدق نفسة عشان كدة الجمهور صدقة كما قدم “الشعيبى” فى نهاية حديثة الشكر لشركة “أى ميديا” المنتجة لأعماله والمتمثلة فى أ/محسن أحمد وأ/فادى صبحى على تعبهم معه ووقوفهم بجانبة كما وجة الشكر إلى فريق عمل “يا واحشانى” الشاعر :نور الدين محمد والملحن:مصطفى العسال والموزع:أسامة عبد الهادى و أ/مريم محمد السوشيال ميديا
التعليقات