أحمد خضر العرايشي

ثقوب فى بدلتى ومشرفانى

قالك ثقوب فى بدلتى والعار طايلها
صحافه صفراء والمال ابوها وسيدها
خيانه وعماله
وعلى سرير كل نظام وهو ده عارها
بيقولك ثقوب فى بدله ميرى
ونسى كل اللى راح
واللى حيروح ومش ده دليلى
ولادليلى شغلى وعملى
ده حق بدلتى ودولتى
شرف وامانه وتضحيه ويتم عيالى
بكى ام وانين زوجه على ثقوب الميرى
ثقوبنا دى قلنا نجمعها كلها فى دايره
فى دايره واحده بدل ماتفضل مصرنا حايره
عدت الشمس من ثقوب بدلنا نورت ظلام ليلنا
ده حتى صوتى فى الشارع امان
وجودى بقى لنومك مستريح ضمان
ودمى ضريبه حدفعها كمان وكمان
لاحقول تمنها كام ولاتسوى ايه
دى الحكايه امان اوطان
ارجع للتاريخ واقرى صفحاته
اقرى بطولاته وتضحياته
من كل اللى فاتو
ولو فيه غلط من اى حد هاتلى حد كامل
هاتلى مثال كده من اى حته وقارن
شوف بعينك شغلهم
شوف بعينك جبنهم
شوف بعينك امنك ولا امنهم
وشوف ياخى ثقبنا ولاثقبهم
العلاج مش بتزويد الجراح
العلاج مش صوات ونواح
العلاج حكمه وضمير مرتاح
لاحقول اننا ملايكه
ولا من السماء نازلين
لكن لو غلطه من واحد
ماتتعممش يامغفلين
النفسيه هى ذادنا
وجمعنا هو ذوادنا
شرطه وشعب وجيش
لو بتفكر تبعدنا انسى
كان فيه منه ودلوقتى مفيش
الغلبان بقى فاهم الحكايه والحدوته
فاهم خيانتكم
وطوابيركم الخامسه الملتوته
دوروا على شغلانه تانيه
لان الحكايه حتخلص فى ثانيه
ولاثقوبنا حترهبنا
ولارصاصهم حيبعدنا
عن شعب عرف ان الامان فى ايدنا
ثقوب فى بدلتى ومشرفانى
بدمى لونتها وعارف مكانى