الأربعاء الموافق 12 - فبراير - 2025م

لسان حال المحلاوية ” مخنوقين من العيشة بس مش هننزل يوم ١١ عشان خايفين علي البلد “

لسان حال المحلاوية ” مخنوقين من العيشة بس مش هننزل يوم ١١ عشان خايفين علي البلد “

 الغربية / شيرين لقوشة

تضاربت اراء الشارع المحلاوي بين مؤيد ورافض للدعوات الصريحه التي اطلقها البعض عبر وسائل التواصل الاجتماعي للنزول للميادين تحت مسمي ” ثوره الجياع “ في ١١ نوفمبر القادم وبرر المؤيدون ذلك بدعوي ارتفاع الاسعار وغلاء المعيشة بينما رفض اخرون بدافع حب الوطن والخوف عليهم ولكن كان لسان حالهم جميعا ” مخنوقين من العيشة وغلاء الاسعار بس من هننزل عشان خايفين علي البلد ” بكلمات بسيطة وصف بها المواطن المحلاوي المطحون حاله الذي عبر بها عن شحنه غضب بداخلة ممزوجة ببشحنه محبه وخوف علي بلده كان ذلك خلال جوله ميدانية قامت بها عدسة ” البيان “ لاستطلاع رأي الشارع المحلاوي

حيث قال احد المواطنين ” انا مش موافق علي الدعوه وحرام اللي هينزل لازم نقف جمب البلد ونشتغل ونحافظ علي اكل عيشه ونحافظ علي البلد ميخربش فيها لان البلد دي لو وقعت مش هتقوم تاني اتقوا الله انا نزلت ٣٠/ ٦ وكنت بنام في الميدان عشان بحب بلدي ”

فيما قالت اخري ” احنا مش عايزين ننزل تاني مشفناش خير في الثوره مكناش بننزل من بيوتنا انما دلوقت في امن وكهربا لازم نصبر علي الريس يعني هيجيب منين احنا واقفين مع البلد لحد ما تشد حيلها وتمر من الازمة دي انا جايه من عمره السوريه تقولي يا بختكم يارتنا زيكم لو طمعتم بكره تبقوا لاجئين زينا اللبنانيه والتونسيه تقولي معندناش رئيس زيكم لازم نصبر شويه زي ايام الحروب الثوره الفرنسيه وقفت علي رجليها بعد ١٢ سنه

وقد وافق اخر علي تلك الدعوات واكد ” الدنيا بقت غلا والناس مش لاقيه تاكل ودا بسبب المسئولين اللي في البلد مش عارفين يسيطروا عليها والفساد بيزيد الموظف يعمل ايه والعامل اللي بيشتغل باليوميه يعمل ايه وهنزل عشان اقول كل دا ” ورفض الاخر الدعوات لنزول يوم ١١/١١ مع التحفظ علي الاوضاع الداخليه للبلد

واضاف ” اتمني ان محدش ينزل لان ممكن يحصل بلطجة جامدة وويستغلها بعض الناس واحنا مش ناقصين خراب برغم اني مخنوق من العيشه والاسعار اللي كل يوم بتطلع السما وانا كشاب مش عارف اربي عيالي واشتغلت علي توكتوك وبرده الحال واقف زي شباب كتير اشتغلوا عليه وهما شهادات عليا ياريس احنا بنحبك بس حس بينا

” وقاطعه اخر قائلا “ احنا مش عايزين حاجه من الدولة غير توفير عيشة كويسه من اكل وشرب ومسكن الشباب دلوقت مش عارف يجوز شوفوا الدهب بقي بكام والكهربا والميه غاليه وللاسف مفيش رقابه علي الاسعار والتجار بيستغلوا دا عايزين القضاء علي الفساد ورغم كدا خايف علي البلد لان في ناس بتدس في المظاهرات عشان تخربها واحنا مش عايزين كدا الحكومة تشوف حقنا عايز اعيش !! ”

واشار احدهم انه يوافق علي تلك الدعوات لما يشاهده من سقطات متعاقبه وقعت فيها الحكومة بسبب قرارات غير صائبه من تعويم الجنيه وارتفاع سعر الدولار الذي اثر بشكل مباشر عن محدود الدخل بالاضافه الي الفساد الموجود منذ ٦٠ عام ادي كل هذا حاله التشائم لدي المواطنين ممذوج بالغضب

فيما وضح اخرون انهم في حاله من البلبله بسبب ما يعانوه من ضغوط معيشيه بسبب غلاء الاسعار وخوفهم من تداعيات النزول الي المياديين مره اخري وعبر اخر عن غضبه من تلك الدعوات التي تهدف الي تأجيج الرأي العام ليستفيد منها بعض الجماعات واستغلال جشع التجار الذي ادي ارتفاع الاسعار قائلا ” احنا اللي وحشين والتجار وحشين الناس دي عايزه توقع البلد ” ..

14696951_1075942055851818_183617371_n

 التعليقات

 أخبار ذات صلة

[wysija_form id="1"]
إعلان خدماتي

جميع الحقوق محفوظة لجريدة البيان 2015

عدد زوار الموقع: 79755725
تصميم وتطوير