وقال احد السكان ” من قبل رمضان واحنا عندنا المشكله دي كل يوم الميه بتقطع من الساعه ١١ الصبح لحد الساعه ١٠ بليل وبنضطر نخزن ميه من الفجر عشان نعرف نقضي مصالحنا رغم اني ساكن في الدور الارضي ولكن الميه ضعيفه مش بتيجي الا لما بشغل الماتور ”

واضاف اخر ” الميه لما بتكون موجوده لونها اصفر ومعقره ولا تصلح للشرب اولادي كلهم تعبانين وابني جاله ميكروب علي الكبدوصرفت عليه دم قلبي بسبب الميه وبلغنا شركة الميه كذا مره قالولنا انه في اعمال تصليح وتطهير وبعد كدا هتبقي نضيفه ومحصلش جديد ”

واكد اخر ” وصل الميه بيجي بمبلغ كبير ومع ذلك بندفعه وكل دا عشان استفيد والميه تكون موجوده ومبتجيش وانا عايز اعرف المحافظ ورئيس المدينه عندهم ميه في بيتهم ولاء ولو قطعت عندهم بيشتكوا لمين واحنا كمان نروح نسأل مين ؟؟ وللعلم ان احد النواب يسكن فى المنطقة ومع ذلك عامل نفسه مش عارف حاجة في النهاية احنا هنشتكي لربنا !! ”

وتسائلت احدي السيدات بالمنطقه ” اي بني ادم يقدر يعيش من غير ميه ؟ حرام عليكم زهقتنونا مش عارفين نقضي مصالحنا واحنا في شهر كريم ومحدش سائل فينا احنا هنلاحقها من فواتير الميه والكهربا الغاليه ولا من قطع الميه ولا العيشه كلها وبعد كل دا بندفع برده الفاتوره اللي بتجي واحنا ساكتين ”

ونوه ساكن اخر ” ان مدينه سمنود الميه فيها شديده ومش بتقطع وبتوصل للادوار العليا من غير مواتير وهي تابعه لمحافظة الغربية ايضا ايه الفرق بينهم رغم ان المحله مدينه صناعيه وكلمنا رئيس المدينه وحضر امس وشاف بعينه واقترح انه يجيب سيارات محمله بالميه لحل الازمه ورفضنا لاننا عايزين حل جذري للمشكله ودا مش حل

واوضحت سيده اخري ” احنا بنموت بالبطئ جالنا الامراض كلها هي دي عيشتنا ‫#‏الكبير_كبير_والميت_ميت‬ انا معاشي ٣٢٠ جنيه وقولت الحمد لله وعايشه بيهم هجيب بيهم ميه معدنيه عشان اشرب ولا اكل ولا علاج عايزه حد من المسئولين يجاوب عليا .. ‫#‏يرضيك_ياريس_اللي_احنا_فيه‬ ”