بقلم / دينا مقلد
بنات كتير بتسأل نفسها هى الصحوبية حرام ؟ ! ,طب والحب كماان حرام ؟
وغيره وغيره من الاسئلة اللى ملهاش نهاية وتقريبا كدة ملهاش اجابة وكتير من البنات بتقعد مع نفسها وتكتئب وكأن الدنيا كلها مفيهاش حاجة غير الحب وبس ! ,
وغير انك تقعدى تحطى نفسك ف مقارنات ملهاش نهاية زى اشمعنا انا ؟ !
ودى احلى منى ف ايه ؟ !
طب ولية انا لسة متحبتش لحد دلوقتى ؟!
وتقعدى تحطى نفسك ف دوامة ملهاش نهاية :لا عارفة تخرجى منها ولا تخرجى نفسك منها !!
غير طبعا انك ممكن تقعدى تفكرى تغيرى استايل حياااتك كله عشان تبقى شبة فلانة عشان دى بتتحب وعاجبة الشباب !
ممكن نندرش سوا شوية ؟!
على فكرة عايزة اقولك انك غالية جداا وانك حاجة كبيرة اوووى
و اوعى تدخلى نفسك ف مقارنة مع حد عشان انتى حاجة فريدة ونادرة وملهاش مثيل وبلااش بقى الزعل واحباط ويأس وكأن حلاوة الدنيا كلها ف انك تملكى رجل , عايزة اقولك ان ربنا خلقك لحكمة وهدف ورسالة معينة مش انتى لوحدك دة كلنا !
بس ف ناس كتير مش مستوعبة دة كويس وهمها كله يبقى ليها علاقة بشاب !
وكأن دة الامل الوحيد والغاية والهدف من الحياة !!
تحبى اقولك انتى غالية قد ايه ؟!
بس قبل ماتبتدى كلامك عايزة اقولك انى بجد لحد انهاردة لسة ملقتش حد يحبنى او حتى باصص عليا ف الشارع !
حتى نظرات الناس بحس انى محرومة منها !
عارفة ؟! انتى طيبة اووى طب مفكرتيش ف لحظة ان دة ممكن يكون خير ليكى هتقولى ازاى ؟!
هقولك !
مفكرتيش لحظة ف كل واحد بص للبنت عجباه هى بتااخذ ذنوب قد ايه ومش هى لوحدها دة هو كمان !!
وطبعا كلنا شايفين ف العصر بتاعنا دة اكتر البنات بتعمل ايه عشان تلفت الانظار الا من رحم ربى !!
على فكرة انتى حاجة جميلة جدا , فكرى لحظة بمنظور ايجابى , بصى لنفسك وزى ماكلنا عارفيين ان مفيش بنت وحشة الحمد لله بس كل واحدة ربنا ادالها جمالها ف حاجة معينة انتى كمان فيكى حاجة حلوة او وفى يوم هتلاقى اللى يحبها فيكى
, ايوة بس انا عايزة اتحب وكل لما بفتكر الموضوع دة ببقى مش عايزة اعيش بحس ان حياتى خلاص وقفت وملهاش اى لازمة
طب هقولك تعالى نبص من حتة تانية خالص
انا وانتى وكل الناس عارفيين كويس ان مش كل قصص الحب بتكمل للنهاية صح ؟!!
طب مفكرتييش لحظة البنت حبت مرة واثنين وتلاتة عمالة تجرب وتجرب واسمها بتحب
مبدئيا كدة الحب عمره ماكان حرام ولا عيب بس الاسلوب اللى بقينا بنتسخدم بيه الحب دة دلوقتى هو دة اكبر حرام وعيب مش بس عشان بتخونى ثقة اهلك لا بتخونى ثقة ربنا فيكى كماان !
نرجع تانى اللى البنت اللى ماشاء الله عمالة تحب وترتبط عمال على بطال نبص بقى لما ربنا يكرمها بالحب الحلال والزوج اللى ربنا كاتبهولها مفكرتيش لحطة قلبها هيكون هلكان قد ايه ؟! ومستعمل كام مرة ؟ !
تفتكرى دى هتعرف تعيش حساتها مع جوزها اللى مفروض تديله كل الحب والاحترام لأنه هو الوحيد اللى قدرها وطلباها من باباها !!
تفتكرى هتعيش سعيدة ؟! وهتقدر ف لحظة تنسى كل وجع الماشى وعلاقتها باللى فات ؟!
دة على سيبل المثال لو جالها رسالة من على الفيس بوك بتبقى هتموت وترجع الا من رحم ربى برضه لان ف ناس لما بتوب خلاااص استحالة ترجع تانى !
بصى بقى لقدام وبعديين اتكلمى
وبعدين مش انتى دخلتى نفسك ف مقارنة معاها !!
تفتكرى مين هيبقى سعيد بكرة ؟!
تفتكرى مين هتبقى أم مثالية ومربية اجيال صالحة ؟!
تفتكرى مين هتبقى الزوجة الوفين
انا مش هجاوبك …هسيبك انتى تردى على كل دة بنفسك !!
اخر حاجة ممكن اقولهالك كلمة من حديث رسولنا الكريم “طوبى للغرباء ”
عارفة دة معناه ايه ؟!
ان الانسان اللى هيصبر وهيفضل حاطط ربنا قدام عنيه ويبعد عن كل شهوات الحيااة والمعاضى هيبقى نهايته ايه ؟!
هقولك طوبى للغرباء بقى هنا معناها ايه
طوبى : اسم شجرة ف الجنة معناها فرحة وقرة عين للكل الصابرين واتحملوا وكان همهم الاكبر رضا ربنا وبس !!
واتأكدى تماما انك هتبقى مختلفة يوم لما ربنا يبعتلك الانسان اللى يقدرك ويخافط عليك ف الحلاال “فالطيبوون للطيباااات “
التعليقات