من فأر السبتيه الي قطة ماسبيرو
من غير خربشة يا قطة
كم من الجرائم ترتكب باسم الفئران والقطط
في العهد البائد أيام الرئيس المبارك كانت الكهرباء لم تقطع يقولك اصل الفأر اللي في محطة كهرباء السبتيه هوه السبب لانه هوه اللي بياكل الكابلات مع ان فئران السبتيه مبسوطه واخر منجه لان في سوق سمك ولحمه وجبنه وسوق الشارع الجديد مليان خيرات وطبعا الناس كانت بتصدق علشان رجالة مبارك كانوا أساتذة في التزييف ،،،
وراح فأر السبتيه وراح نظام مبارك ،،
من كام يوم فوجئ العاملين في التليفزيون بخطاب رئيس الهندسة الاذاعية بيخاطب روؤساء القطاعات وبيقولهم أن العاملين في التليفزيون بيحطوا اكل للقطط بحجة الرفق بالحيوان وبالتالي القطط قاعدة جوه المبني واتسببت في اعطال بسبب دخولهم الضغط العالي فبتعطل الكهرباء وبتصعق القطط ؛؛؛
يعني كل الأعطال والحالة المتردية في كل استوديوهات التليفزيون سببها القطط ؛؛ يعني الأجهزة اللي انتهي عمرها الافتراضي بسبب القطط ؛؛؛ ده في استوديوهات البرامجين بيلموا فلوس علشان يشغلوا الأجهزة ويصلحوا الأعطال علي حسابهم؛؛ وهم العاملين لاقيين ياكلوا علشان يأكلوا القطط ده موظف في الاذاعة خد حمام من السطح في الدور السادس دبحوه علشان يأكل عياله ،، ده القطط في ماسبيرو حالته صعبة ومعدمه وماشية تنو نو في كل الأدوار مش لاقية تاكل ؛؛؛ عاي فكرة ٥٠٠٠ قطة استخدموه في معركة الخنادق في الحرب العالمية الاولي لكشف الألغام؛
عموما ام ما قاله رئيس الهندسة الاذاعية حقيقي أو سيحدث عطل فني كبير قريبا وسيتهم فيه القطط فكم من الجرائم ترتكب باسم القطط وبعد أن دخلت قطة استديو القناة الثانية علي الهواء وفزع المذيعة قامت رئيسة التليفزيون بتعنيف المسئولة عن البرامج ونزلته من بيته بالترنج ؛؛ فماسبيرو يحكمه أشرس قطة في تاريخ التليفزيون وفي النهاية احب ااقول لقطة ماسبيرو السيامي جملة الراحل الفنان عادل أدهم لقطة السينما المصرية ميرفت امين
من غير خربشة يا قطة ؟
التعليقات