محمد عز الحلقة الجديدة في مسلسل الصراع بين الأهلي والزمالك نظرًا لموهبته الكبيرة والتي يشهد بها الجميع ورغم العروض الكثيرة من الأندية التي حاولت ضمه لصفوفها ولكن محمدعز فضل نادي حدائق الأهرام الذي تربي فيه علي كل تلك العروض لأنه يري أن طموحه الأهم هو الأحتراف في ليفربول وتكرار تجربة محمدصلاح وعن تجربة إنضمامه لمنتخب مصر 🇪🇬 للشباب ٢٠٠٣ والإصابة التي حرمته من السفر للسعودية للبطولة العربية للشباب والتي صعد فيها المنتخب المصري بقيادة المديرالفني المحترم الكابتن محمودجابر للمباراة النهائية وخسر أمام المنتخب السعودي بضربات الجزاء وعن ذكرياته بنادي حدائق الأهرام والمدربين الذين أثروا فيه إنسانيًا وفنيًا وأهمهم الكابتن محمود نصر صانع النجوم ودور أسرته في دعمه ونجاحه وأمور هامة كثيرة فتح النجم الخلوق محمدعز قلبه وتحدث ” للبيان ” … الاسم: محمد عز الدين علي
من سنتين بلعب فريق اول بنادي حدائق الأهرام والموسم الماضي أحرزت 10 أهداف و لعبت كل المباريات وساهمت في تصدر لمجموعتنا وصعود نادي حدائق الأهرام لدورة الترقي وتصدرها أيضًا وهذا الموسم لعبت كل المباريات وأحرزت 6 اهداف وتم إستدعائي لمعسكر منتخب مصر ٢٠٠٣ للمشاركة بالبطولة العربية للشباب بالسعودية واتمرنت اول تمرينتين و في التمرينة الثالثة أصيبت ولم أسافر مع المنتخب و السنين اللي فاتت دي جالي فاكس من انبي مرتين و من الزمالك ولكني فضلت الأستمرار بنادي حدائق الأهرام الذي تربيت به وأعتبره بيتي وصاحب فضل عليه وأتشرف بلعب له وذلك بعد التشاور مع والدي الحبيب والذي يدعمني دائمًا ولا أخذ اي قرار بحياتي دون مشاورته فهو قدوتي إنسانيًا ومهنيًا … بتحب لعيب مين محليًا وعالميًا ؟ محليًا ابو تريكة طبعا و ده مش هييجي زيو تاني و عالميًا ميسي اكيد عشان ده تقريبًا مش بني ادم طبيعي زينا … لعب الكرة اثر علي دراستك بالسلب ولا بالايجاب ؟ وهل عارف تنظم وقتك وهل اسرتك بتدعمك ولا بتطلب منك تركز اكتر بدراستك ؟ لا هو اثر اكيد بالايجاب و انا الحمدلله بعرف انظم وقتي كويس و الحمدلله درجاتي مش وحشة و كويسة و عندي اهلي طبعاً مساعدني جدًا في الموضوع ده و بيدعموني في الحاجتين مع بعض … ما هو تأثير اسرتك بنجاحك بحياتك ؟ طبعًا من غير اهلي مكنتش هعمل اي حاجة ولا كنت هوصل لاي حاجة خالص عشان همًا فعلًا اللي مساعدني في كل حاجة في حياتي و تاثيرهم عليا كبير اوي اكيد … لو احترفت خارج نادي حدائق الاهرام تتمني تلعب بأي نادي محليًا وعالميًا ؟ محليًا النادي الاهلي طبعاً و عالميًا ليفربول … مدربيك وزمايلك بيشبهوك بمين من اللعيبه محليًا وعالميًا ؟ وما هو احب لقب اطلق عليك بتحبه ؟ محليًا ممكن تريكة و عالميًا دي بروين … اهم المدربين اللي استفدت منهم بحياتك ؟ كل المدربين اللي اتمرنت معاهم علموني حاجات كتير جداً بس يمكن اكتر مدرب اتدربت معاه كابتن محمود نصر من وانا صغير وانا معاه و ليه فضل كبير اوي عليا … في رأيك ايه الفرق بين الكرة الاوربية والمصرية !!! وبتشجع مين من الفرق العالمية !!! وايه اكتر دوري من الدوريات الاوربيه بتابعه ؟ لا طبعًا الكورة الاوربية حاجة تانية خالص و مصر متأخره اوي عنها في كل حاجة امكانيات و مدربين و بشجع مدريد و ليفربول و اكتر دوري بتابعه الدوري الانجليزي … رغم موهبتك اللي بيشهد بها الجميع ليه حتي الآن مستمر بنادي حدائق الاهرام رغم الانديه الكتير اللي طلبتك ؟ انا فعلا جالي عروض كتير أهمها الزمالك وانبي بس كان عندي شوية مشاكل كدا و في الاخر فضلت اني العب فريق اول في الحدائق احسن من ناشئين برا بس ان شاء الله الفترة الجاية ربنا يكرم و اروح نادي دوري ممتاز ان شاء الله … احكيلنا عن تجربتك اثناء انضمامك لمعسكر منتخب مصر 🇪🇬 ؟ طبعًا كانت تجربة مهمة جداً في حياتي و شرف ليا و لاي حد انه يلبس تيشرت منتخب مصر بس للاسف وانا في المعسكر اتصابت و معرفتش اسافر البطولة .
