كلمات غلاف رواية ” عرفت الله بحبك ” يجذب القراء 

إيمان البدوى 

أطلق  الاعلامى محمد المشد روايته الأولى ليجذب القراء بكلمات غلافه  التى استوقفت الكثيرين  فى أول أسبوع منذ انطلاقها فى المكتبات  حيث كتب على الغلاف  

بَشَهِّدْكُم يوم فرحي .. إتجوزت رحمة لأنها رخيصة .. أوي “
كلمات قالها نضال للمدعوين فور دخوله قاعة الأفراح, وهو يدفع عَرُوسُه على كرسيها المتحرك..
ولكن .. كيف ..؟!
كيف يقول هذا الكلام في اليوم الذي من أجله تقدم 35 مرة لخطبة حبيبته ولم يملَّ رفض أهلها له
بعد قصة حب استثنائية بملامح عربية بين ضفاف المقابر..!
كيف ..!!
( عرفت الله بحبك ) ، رواية  تحتوي علي عدة قضايا تلمس الشباب والمجتمع الشرقي بعاداته وتقاليده ، في حبكة شيقة لقصة رومانسية سياسية كوميدية ، لمجرد ان تبدا باول صفحة لن تتركها الا في نهايتها .
يذكر ان المؤلف / محمد المشد
تخصص في تأليف وتقديم برامج الاطفال علي شاشات مختلفة و عند سؤالة عن سبب كتابة رواية رومانسية وابتعاده عن برامج الأطفال  التى تميز بها كانت اجابته :
ليه كتبت رواية #عرفت_الله_بحبك ..؟؟
– لإني من صغري بسأل نفسي : ليه الأبطال في التليفزيون مش شبهنا ..!!
– ليه صديقي الخليجي سألني ” مصر مافيهاش غير رقاصات وبلطجية ؟ ” ..!!
– ليه نادراً لما تلاقي فيلم ملمس مع تفاصيلك المصرية الشرقية بحلوها ومرها ..!!
– ليه مشكلة البطل انه خسر ملايين في القمار مع ان المشاهد مستلف تمن تذكرة السينما !!
– ليه معظم المشاهد الرومانسية لازم يجري البطل ورا موزته في جنينة
مع ان معظم المواقف الرومانسية في واقعنا بتكون في محلات الكشري ..!!
– إيه علاقة منتجين السينما والتليفزيون بتقليل مكانة مدرس اللغة العربية ,,
– إيه علاقة الإحتلال الفرنسي بآخر إعلان صابون سايل اتفرجت عليه ,,!!
– ليه شقق الطبقة المتوسطة اوسع من المتحف ..!! ( في الأفلام طبعاً )
– ليه بنصعب الحياة علي نفسنا ,, أكتر ما الحكومة بتصعبها علينا ..!!
– ليه لما فكر بعض المنتجين نقل قصص واقعية ركزوا علي اقذر طبقة ” البلطجية ” ..!!
– ليه معظم البنات متساهلين في انها تترمي في حضن البطل عشان موقف تافه
مع انها في الواقع هترقع بالصوت لو عاكستها وهتديلك بالشبشب علي قفاك ..!!
– ليه نادراً لما تلاقي فيلم رومانسي كوميدي لكن مفيد وبينشط تفكيرك ..!!

بعد ما لقيت إجابة الأسئلة ,, قررت أكتب رواية مافيهاش اي خراب من اللي فات
ومافيهاش وعظ رجال الدين ,, قصة رومانسية كوميدية سياسية ثقافية ( شبهنا )
مش هتضيع وقتك ,, هتسليك و هتفيدك ..

وقد أعلن الاعلامى محمد المشد  عن  اطلاق روايته الأولى  ” عرفت الله بحبك ” والتى ستكون بجميع المكتبات بالقاهرة  وقريبا بعدد من الأماكن الأخرى ..

وتتمنى جريدة البيان التوفيق للاعلامى الزميل محمد المشد ..