البيان
محمد على 30سنة
خريج كلية تربية
محمد من سكان محافظة الشرقية و كل يوم بيروح من الشرقية للمنطقة الصناعية بالعاشر من رمضان عشان شغال IT فى أحد الشركات
و بيشتغل صيانة لإجهزة الكمبيوتر العطلانة من جيرانه و اصحابه كشغل اضافى فى بيته لما بيرجع من شغله
محمد متزوج من مبصرة و أب لولد و بنت,
حكالى عن مشاريه حاول فيها كتير رغم انه كفيف و فشل فى المشاريع بس نجح فى اللى بيحبه و هو الكمبيوتر و صيانة الاجهزة و اللى اتعلمها من ايام الجامعة , الناس كانت فى البداية بترفض تصلح عنده اجهزة لانه كفيف و لما عمل كام جهاز و مارس الشغل و الناس قالت لبعضها عليه بقى كل سكان القرية اللى ساكن فيها فى الزقازيق يجيبو اجهزتهم يصلحوها عنده, و محمد علم زوجته ازاى تنزل ويندوز و ازاى تصلح الاعطال البسيطة فى اجهزة الكمبيوتر عشان لو هو مشغول و الزباين مستعجلة هى تقدر تقوم بالشغل البسيط بداله