الغربية/محمد شفيق

أهالى مدينة السنطة بمحافظة الغربية والقريبين من عمارات إسكان مبارك المواجهه للنادى الرياضى وعلى بعد مترات من مجلس المدينة وقسم الشرطة فى إنتظار إستيقاظهم بين الحين والآخر على دوى إنفجار أنابيب الغاز التى تملأ أركان إحدى الشقق وبالتحديد فى العمارة رقم1 شقة رقم4 وهى مؤجره لمطعم المحلاوى والتى تمتلأ بعدد كبير من أنبيب الغز ومستخدمات المطعم من “جزر وبصل وخضار بكميات مهوله ” وإذا دخل أى شخص الشقه فجاه سيرى ما بها وكيف يستغل المطبخ وشقق آخرى بنفس المساكن مرفوع منها عدادات الكهرباء ويتم سرقة الكهرباء علنيا” ويقوموا بفصلها ولا أحد يتسائل فلمصلحة من سرقة تلك التيارات الكهربائية التى يقوموا بإستخدامها بعلم الجميع
ويروى لنا حسين لطفى أحد أبناء السنطة:لو حضرتك روحت عند العماره هاتشوف بعينك المدخل مكسر من كثرة الأنابيب الداخله والخارجه والإستخدام غير السكنى وتجهيزات المطعم واضحه مجرد تدخل المطعم غير الرائحه وكل يومين المجارى تتسد بسبب تجهيزات المطعم وتقدمنا بشكاوى كتيرة لأن الشقه بيجهزوا فيها الأكل للمطعم وممتلئه بأنابيب الغاز ولو حصل أى إنفجار هاتكون كارثه ومجلس المدينه يبعتنا للصحه والصحه تبعتنا للأمن الصناعى ولا حياة لمن تنادى واضح أن سندوتشات المحلاوى حلوه وكتيره
وإستكمل حديثة: الغريب اننا روحنا لمجس المدينه قالوا انهم طلعوا تصريح برفع عداد المياه ولما روحنا لشركة المياه المهندس والله قال ان مفيش اى حاجه حصلت ولما رجعنا تانى لمجلس المدينه طلعوا لينا رقم التصريح برفع العداد رجعنا تانى للبيه مهندس المياه قال بكره هاروح ارفعه وبكره دا كان من اسبوعين وكل سنه وانتوا طيبيين يا مسؤلين .. المفروض بقى المواطن يفهم اه من دا طبعا موظفين مرتشين ومتسترين على فساد أين المسؤليين اللى سايبين شقه زى دى سبب للكثير من المشاكل والفساد لكل خدمات العماره مش عارفين نقابل السيد اللواء رئيس مجلس المدينه والكل بيشوطنا لبعض وبيرمى المسؤليه على التانى .. فينك يا رئيس مجلس المدينه والمحافظ تعالوا اتصورا وشوفى اكيد صوركوا جنب دا هاتكون احلى فين قراراتكوا ..ياترى حد لسه بيتستر ع الفساد وبيحمى البلطجيه فين المسؤلييين
يناشد أهالى مدينة السنطة اللواء ممدوح هجرس بالنزول ومشاهدة تلك الشقة بنفسة على الطبيعة وإتخاذ ما يراه سيادته مناسب لحمياة الأرواح البريئة من هؤلاء عدماء الضمير