بقلم / إسلام العشري

فقدان عمال النظافه احساسهم بالاهتمام والتقدير من الدوله وغضب المواطنين  .
ان عمال النظافه هم أهالينا و لهم حق في حياة كريمة وآمنه 
فلماذا لم  يتم عمل  لهم زي موحد محترم يحميهم من الامراض والاوبئه المنتشره عند جمع القمامه ؟
ولماذا لم  يتسلموا كمامات و جوانتيات؟
ولماذا لم يتسلموا ادوات نظافة محترمه ونظيفه وجديده ؟
ولماذا لايوجد  عربات نظافة بدلا من  الجرارات القذره المنتشره ؟
وعند عرض هذه الاسئله سيرد  السادة المسئولين برئاسة المركز  لايوجد تمويل او مبالغ ماليه بخزينه الدوله  زي كل المسئولين المصريين مابيقولوا .
ولاكن السؤال هنا المال  المتجمع من كل وحده سكانيه 15 جنية في الشهر و بدأ ذلك  الموضوع لجمع المال  من شهر مارس.

هنقول عندنا 70000 وحدة سكانية بما ان تعداد مركز السنبلاوين  يتعدي 700000 يعني كل 10 افراد في وحدة سكانيه 
يعني 70000*15 =1050000
هنقول نصهم مش بيدفع يعني 525000 شهريا 
يعني سيادتكم في 6 شهور تكونوا جمعتم 
6*525000=3150000
يعني تقدروا تشتروا 2 عربية نقل لجمع القمامه ده لو مفيش
وتدفعوا متاخرات مستحقات العمال .
وتشتروا زي موحد و توفروا مستلزمات السلامة والصحة المهنية للعمال. 
و تشتروا صناديق نظافة تتوزع في الشوارع.
والاهم تكسبوا ثقة المواطن ف 50% الي مش بيدفعوا هيدفعوا وتبقي الحصيلة اكبر فنطور اكتر ونطور بقيت المرافق لكن مفيش حاجة بتحصل .
وذلك الفساد منتشر في جميع القري المحيطه بمركز ومدينه السنبلاوين بل ان هناك عربات جمع القامه في بعض الاوقات لاتمر لجمع القامه .
يتبقي سؤال مهم يشغل بالنا جميها وهو  

الفلوس المتجمعه من السكان الي أين  تذهب ؟