كتبت رغدة كاظم
أكدت رحمة الادهم شقيقة مودة الادهم أن الحكم الصادر ضد شقيقتها لم يكن متوقعاً قائلة ” كنا منتظرين الرافة شوية نظراً لحداثة سنها ومابتعرفش إيه الغلط وإيه القوانين حرام تترمي مع بنات ليل جايين من كباريهات “وتابعت قائلة ” كل بنات جيلها بتلبس كده ؟ إيه الاغراء الي هيا عملته ؟ أنا دلوقتي مش عارفة أمشي بولادي في الشارع بعد التشهير ده والكلام الي إتقال علينا في كل حتة ؟ أختي ناجحة طول حياتها أنا مش مصدقة ابويا مكنش مصدق وكان بيشوفها بالعافية في المحكمة ” تابعت ” نفسي اشوفها حتى لو في زيارة إحنا عيلة بسيطة بناكل ونشرب ووننام مش فاهمين حاجة في البلد ”
وإستطردت رحمة قائلة : أختي كانت فاشونستا ومهتمة بالموضة وهي شخصية مرحة ودائمة الأبتسام وتسعد كل من حولها حتى عندما كانت تزورنا في المنزل كنا كلنا بنضحك ” ، ونفت أن تكون مودة هاربة من منزلها مشيرة إلى أنها إبتعدت للتركيز في الدراسة وكنا على إتصال دائم بها ونعرف كل تفاصيلها ”
وتابعت رحمة ان تطبيق التيك توك مستخدم في مصر ومرخص وجميع لناس تستخدمه وهي لا تعرف القانون وأنا لم اراها منذ ثلاثة اشهر و أنا من رباها نظرا لتعب والدى ومرض والدتى
