إيمان البدوى

ولد سليم مصطفي عبيد بعد استشهاد والده ب 40 يوم.

والده هو ضابط مفرقعات  بالشرطة المصرية برتبة رائد  وهو أول شهيد بعام 2019 حيث لقي ربه أثناء تفكيك عدة قنابل كانت معدة للتفجير بالقرب من كنيسة أبو سيفين بمدينة نصر.

سليم هو الطفل الثالث للشهيد مصطفى عبيد فهو لديه لارا 7 سنوات وسيف 3 سنوات.

وتروي السيدة إيمان البنداري زوجة الشهيد مصطفي اللحظات الأخيرة في حياته تروي لأول مرة اعلاميا في تصريحات خاصة بالبيان …

أرسل الي مصطفي الساعة التاسعة الا الربع مساءا رسالة عبر الواتس فيها صور ولكني لم افتحها ثم اتصل بي تليفونيا  ـ شفتي الصور ال بعتهالك قلت له لا انا في الطريق وسايقة كان المفروض انه قرب يرجع البيت  صوته كان متوتر.،

قالي أول مرة نشوف نوعية القنابل دي في مصر قلتله هتعمل ايه قال لي هشتغل بايدي وقال مع السلامة قالها لي 3 مرات،

قفلت معاه وقلبي اتقبض كلمت والدتي وقلتلها مصطفي في بلاغ وقلبي مقبوض قوي قالت لي من امتي وانت بتقلقي ،

تستكمل زوجة الشهيد حديثها فاتت 10 دقائق وانا متوترة ومن طبيعتي مبكلموش طالما في شغل عشان مشتتوش هو يخلص ويكلمني  لكن بعد شويةكلمته وجدت كل تليفوناته مقفولة

اتصلت بالعسكرى اللى معاه لقيت حد غيره بيرد عليا وبيقولى متقلقيش يا مدام مصطفى بيه شغال قلتله ادينى نوح مصطفى مش شغال مصطفى. جراله حاجة،

نوح اخد التليفون كان بيعيط ومنهار وقالى تعاليلنا على مستشفى مدينة نصر مصطفى. بيه العبوة انفجرت فيه مقاليش انه استشهد،

جربت عالمستشفى ولما وصلت شفت المصابين وملقتش مصطفى معاهم ، كله يقول. مصاب وبيعمل اشعات محدش كان عايز يقولى أنه مات عشان كنت حامل على اخرى وخافو يجرالى حاجة كنت عمالة اصرخ مصطفي فين

كنت أول واحدة اوصل في عيلته كلمت اخوه قلتله تعالى بسرعة مصطفى اتصاب ، ولما عمو وصله الخبر وجه سمعته بيقول لحد فى التليفون افتحو المقابر وساعتها بس عرفت أنه استشهد،

ثم تستكمل زوجة الشهيد حديثها  : مصطفى كان مختار اسم سليم من اول ما عرفنا أنه ولد لما كنت زعلانة عشان نفسى فى بنت قالى متزعليش سليم هيبقى راجلك وسندك فى الدنيا،

كان بيتكلم عن الشهادة فى الفترة الأخيرة كتير وكان دايما ياهلنى أن ده مصيره اللى مستنيه وهو سعيد بيه وانى مش المفروض ازعل لما ده يحصل

كان بيقولى ربنا ينولهالى واتزف بجنازة عسكرية وأتلف بعلم مصر مفيش حاجة اجمل من كده، مصطفي  كان جميل وطيب وبشوش وبيحب الناس كلها مبيزعلش حد ولا بيزعل من حد

وأضافت السيدة إيمان أن سليم هو طفلها الأول من الشهيد مصطفي والذي لم يحظي بالظهور الاعلامي علي غرار اخوته لكونه لم يكن قد ولد.

جديرا بالذكر أن السيدة إيمان البنداري هي زوجة ثانية للشهيد.

رحم الله شهداءنا الذين ضحوا بأعمارهم كي نعيش نحن في أمان هذا الوطن.

تحية اجلال وتقدير الي زوجات الشهداء وذويهم  .