سالت دموعي دم
واكتافى شالت هم
على أمة صابها الغم
والكل فيها ذم
صابها مرض السكوت
رضيت مصير الموت
وعلى اشلاء ولادها
كل الكلاب بتفوت
أبطالها ابطال ورق
اتقسموا لفرق
ضلوا سبيل الطرق
واخدين شعار جحا
مدام بعيد عن دارى
يموت اخويا يتحرق
والدور على دارهم
الذل مصيرهم
لو سمحوا لبنى صهيون
يتولوا أمورهم
يا أمه بكفايه
شدوا بقى الرحال
المسجد الاقصى
بيستغيث فى الحال
شايفين بحور الدم
وراسكم فى الاوحال
عجبى على عجمى
ما كانش له كيان
إحتل عقر الدار
بسرقه وإستيطان
رفع شعار العبرى
إستقوى على العربي
فوقى بقى يا أمة
عودى لسبيل رشدك
ذيلى غبار الغمة
حررى أرضك
كلمات ياسر حماده
التعليقات