نورا عمرو

نشر الناقد الفنى”حسين إسماعيل”عبر حسابه الشخصى على موقع التواصل الإجتماعى فيس بوك رأيه فى دخول الفنان محمد مهران فى ثلاث شخصيات فى عرض واحد حيث قال”طبعا أنا كتبت عن ( محمد مهران الممثل ) قبل كده ، لكن الجديد أن ( مهران ) المرة دى لابس كل الأقنعة فى وقت واحد ( مؤلف العرض بالمشاركة مع عمر عبد الحليم – الممثل – المخرج ) ، و الحقيقة أن فكرة التركيز فى واحدة من الشغلانات التلاتة دول بتاخد مجهود كبير جدا ، فما بالك بكل ده ..
– مهران المؤلف و المخرج : دراما المسرحية بتفكرنى بالمسرح البرانديلي ( بيراندللو ) فى مستويات الفكر على المسرح و اللي أترجمت حركيا من خلال أستخدام المستويات الزمنية سواء عن طريق الرجوع بالأحداث للخلف لتجسيدها أمامنا كجمهور ، أو عن طريق مستويات المكان من حيث تقسيم خشبة المسرح لأماكن بيتم فيها التمثيل بالتوازى مع أماكن مصمته و العكس ، و برده عن طريق أستخدام لحظات الإضاءة اللي بتعكس حالة المشهد ، فمثلا هتلاقي بيستخدم اللون الأخضر فى الكنيسة على أعتبارها مكان نقي للعبادة ، و كمان بيستخدم نفس اللون الأخضر مع شخصية ( كلير ) فى الجزء الأول من حياتها ( مرحلة البراءة ) و بالتالي فى باقى العرض من اللحظات سواء فى القتل أو تحولات الشخصيات …. إلخ .
– ( مهران ) الممثل .. السينما و التليفزيون أحيانا مش بيكشفوا حقيقة الممثل ، عشان كده بعتبر المسرح هو ساحة الحرب اللي بينزل فيها فقط الممثليين الأقوياء ، المحاربين .. و النهاردة أكتشفت محارب مهم جدا أسمه ( محمد مهران ) و اللي كانت أنفعالاته تصاعدية بإنضباط بلا مبالغة أو أفتعال أو تسطح … ( مهران ) على المسرح فارس مهم جداااا ، هتخسر لو مشفتش مسرحيته … أبدعت يا ( مهران ) و مبسوط بيك جدااااااااااااااااااا .