حيث ان القرية تقوم بالصرف عبر مصرفين الشرقي والغربي ولايتم تطهيرهم حسب الخطة الدوريه مرة كل ٤ شهور من قبل هيئه الصرف بزفتي ادي ذلك الي انسداد في خطوط الصرف الصحي الفرعيه المؤديه الي المنازل نتيجه لالقاء مخلفات المصانع من اقشمه وخلافه في هذين المصرفين

وقال احد السكان اننا ذهبنا الي المسئول بمديرية الصرف الصحي بالغربية فقام بتحويلنا الي مديرية الصرف الصحي بزفتي ومنه الي مديرية الصرف الصحي بسمنود ولم يتم اتخاذ اي اجراءات منذ شهر ورفضوا ارسال معدات لتطهيرالمصرفين وكانت الردود من المسئولين ورئيس مدينه المحلة اللواء ناصر طه ” البلد مش من حقها تصرف في مصارف الحكومة لان خطوط الصرف في القرية أهليه والصرف في المصرفين غير قانوني ” علما بان سكان القرية يعيشون في بيئه غير ادميه واوشكوا علي الانفجار

واكد اخر ان نواب البرلمان متجاهلين الازمة وغير مهتمين بالسؤال عن مشروع الصرف الصحي الحكومي الذي يعتبر هو الحل الجذري لهذه الازمة مما اضطرنا الي جمع التبرعات من الاهالي بمعاونه الوحده المحليه لتطهير المصارف وخطوط الصرف الصحي علي نفقتنا الشخصيه لذلك نطالب بسحب الثقه من النواب الثلاث لعدم احساسنا بوجودهم الفعلي علي ارض الواقع

وفي سياق متصل اوضحت احدي السيدات ” الحيوانات ترفض تعيش في مكان زي دا حرام يكون قدام ٣ مدارس غرقان بميه صرف صحي بالشكل دا واثر علي اولادنا و مصدر رزقنا لاننا بنضطر اننا نقفل المحلات بدري عشان الريحه والحشرات وبتجي ناس تسلك وتاخد فلوس وبعدها بيوم بترجع تاني عايزين حل دايم للازمة دي احنا زهقنا ”

واضافت اخري وهي تصرخ ” حرام عليكم احنا في الهم دا بقالنا اكتر من شهر ومحدش سائل فينا الميه دخلت بيوتنا ومبقناش عارفين نعيش فيها وهجرناها والحيطان كلها ميه وهتتهد علي دماغنا بدل ما يصرفوا فلوس علي رصف الشوارع يشوفوا الغلابه اللي عايشين فوق الارض فين النواب اللي انتخبناهم محدش حاسس بينا ليه هو احنا مش بني ادمين ولما نروح نشتكي يبعتولنا عربيه تشيل شويه ويمشوا بيسكتونا باختصار احنا عايشين ميتين ونشتكي لربنا لانه هو العالم بحالنا ”