كتبت رغدة كاظم
علق الفنان أحمد زاهر على واقعة تنمر منصات السوشيال ميديا على صورته مع إبنته ليلى أحمد زاهر في ” حمام السباحة” التي أثارت الجدل قائلاً ” ليه إتغيرنا ؟ وليه بقينا وحشين كده ؟ ليه بقينا بنجرح في الناس بالشكل ده ؟ وبنجرح في مين أطفال وشباب صغيرين ليه ؟ ” وتابع قائلاً ” لو مش عاجبالك الصورة سيبها ياخي وعدي عليها ده حسابي الشخصي وانا حر فيه ..الغريب أني في الصورة كنت حاضن ليلى ومش مبين فيها حاجة إلا دراعها ؟! ومع ذلك ماسبوهاش في حالها .. أنا أكيد مش هحط صورة بنتي بمايوه ” .
وكشف زاهر أن بعض المتنمرين قالوا له كلام عجيب قائلاً ” بعضصهم سالني اسئلة غريبة زي ” إزاي تحضن بنتك ؟ .. دي بنتي حتى مني أحضنها زي ماانا عاوز .. إحنا عيلة محترمة وبنحافظ على كل حاجة وده اسلوب حياتنا ” .
وأكد زاهر أنه يقبل الانتقاد في ضوء ادواره الفنية فقط ونقد الفن شيء عجيب لكن التطرق إلى بناتي لن أسمح به قائلاً ” النقد في العمل الفني عادي لكن التطرق لبناتي مش هسمح بيه أبداً ؟ عن نفسي لما حد بيشتمني بحذفه لكن بناتي لا ده حاجة وجعتني ووجعت بناتي وصحباتهم إتصلوا بيهم.. هقدم بلاغ في مباحث الانترنت ضد أي حد يشتم بناتي مش هسكت زي شريف منير الي بدا بده مشيراً إلى أن الصورة التي وضعها موجودة منذ فترة لكن تنامت نبرات التنمر الساعات الماضية وإستطرد قائلاً ” أنا أتشمت بافظع الشتائم ليه ؟ أنا متصور مع بنتي مش مع واحدة من الشارع ” وقال ” إتغيرنا كتير مش هيا دي أخلاق المصريين .
