“بندفع فاتورة السنين إللي فاتت”.. أسامة كمال يعلق علي زيادة أسعار البنزين

عبدالعزيز محسن

أعلن الإعلامي اسامة كمال، عن ضم صوته لصوت حسين أبوصدام نقيب الفلاحين، بضرورة توفير تدابير لحماية الفلاحين من تدهور أحوال المعيشة لأن زيادة سعر السولار والبنزين ستؤثر عليهم وبالتالى على تكلفة المزروعات وبالتالى على أسعار الخضار، مضيفا: “لا أعلم كيفية حل الأزمة، ولكن يجب أن نجد طريقة عشان الأسعار ما تضربش”.

ووتابع كمال في برنامجه مساء DMC اليوم الجمعة ،: “مصر النهارده بتدفع تمن اللى عاشه جيل الرخص وماعرفش يربي اللى بعده مثل ما أتربى مصر بتدفع تمن اننا لسة بنشتري الفاكهة بالكيلو مش بالواحدة، تمن أصرف ما فى الجيب يأتيك ما فى الغيب، حكومة ومواطنين، دولة بتدار بالويم، بالشويةونظريات الإدارة دى ياما ضحكت الناس بره علينا”.

واستكمل: “النهاردة مصر ما بقتش قادرة فاللى كلناه بط بط بيطلع علينا وز وز، بندفع فاتورة السنين اللى فاتت، وجيل اليوم بيدفع فاتورة الآباء والأجداد وليه بيدفع كله مرة واحدة، عشان المصريين لخصوا الكلام فى كلمة وجع ساعة ولا كل ساعة”. واردف” أقول للحكومة بعد رفع الدعم ولما يخلص تماماً الحساب مننا هيكون كبير باخد الحاجة بتمنها يبقى عايزها بجودتها الكهربا بتمنها يبقى ماتقطعش، وأن تكون جودة المياه مثل دول العال،م البنزين بتمنه يبقى تقطع رقبة اللي يغش فيه”.