كتب فادي مجدي

كشف النجم إمام عاشور، لاعب النادي الأهلي الحالي، تفاصيل مثيرة عن انتقاله للأهلي في تصريحات تلفزيونية، عبر قناة الأهلي وبرنامج حارس الأهلي والذي يقدمه أحمد شوبير. 

قال امام عاشور: كنت زعلان إن تجربة احترافي مكملتش بسبب إني معرفتش اتأقلم بسبب اللغة والأجواء.

وأضاف: لكن أنا في أحسن نادي في أفريقيا دلوقتي، وأي حد يتمنى يلعب للأهلي ومحدش يقدر يرفض عرض الأهلي، وانتقالي لميتلاند لم يكن كوبري.

وتابع : قولت لوكيل أعمالي أحمد يحيى عايز أرجع مصر، بس استغربت محدش رد عليا في الزمالك خالص عشان مكنش في فلوس.

وقال : لما كنت في ميتلاند ورجعت القاهرة اتعالج اتفاجئت بوكيلي احمد يحيى بيقولى امير توفيق عايز يطمن عليك ، كلمني واطمن عليا ومقاليش اي حاجة تخص عن عرض من النادى الاهلي.

واختتم : معروف عني بحب اكسب وبحب البطولات ، لما جالي امير توفيق امضي العقود، لم ابص فى عقود ولا تدخلنا فى الأمور المادية ، وانا لحد الان لم اعرف عقدي كام مع الأهلى ، انا بتعامل معاملة في الاهلي كلها حب من المسؤلين وتقدير وحب كبير من جمهور الاهلي.