زينب وهبة

عبر الرائد ابوبكر خالد علي صفحتة علي شبكة التواصل الاجتماعي عن استيائه الشديد من عدم التمييز في تطبيق القانون بين حيتان القروض وام شهيد ضحي      من اجلنا حيث قال :     

“انا مبسوط جدا ان القانون بياخد مجراه بسرعه جدا مع ام عسكري شهيد قوات مسلحه ضحي بحياته علشان يدافع عن ارضي و عرضي امه استلفت خدت قرض بسيط اشترت شويه بضاعه في محل تصرف علي نفسها و عيالها و الاخوان حرقوهولها فاخدت حكم واجب النفاذ من حق الدوله تحبسها طبعا تنفيذا للقانون ………..

و بالنسبه للبلاغ اللي بالمستندات اللي قدمناه عن واحد واخد قروض 20 مليون جنيه من البنك الاهلي و ما سددهمش و واخد 40 مليون جنيه من الناس في المنيل بشيكات ووصولات امانه و رافعين عليه قضايا نصب وواخدين عليه احكام ومستولي علي ارض الدوله في الصحراوي استغل عمه اللي كان وكيل وزاره الزراعه و اشتري الفدان ب 300 جنيه و شغال بيع في اراضي و فيلل وهميه حتي الان و عليه 38 حكم واجب النفاذ غير انه مطلوب من الانتربول و مسجل تزوير بطايق شخصيه و تنكر و كل اسبوع بيستقبل وكلاء نيابه و ضباط و قضاه رغم كل الاحكام دي و بيبني منتجع سكني كبير و كل يوم بيعمل احتفال هناك و اسمه ينزل كل يوم في المواقع الاخباريه متصور مع فنانين و ممثلين و موجود بنفسه يرقص و يغني لان ابوه و اخواته مستشارين كبار و لما المتضررين وواخدين عليه احكام راحوا قسم الشرطه ينفذوا عليه كان رد القسم في محضر رسمي ” لا يوجد لدينا قوات للتنفيذ علي المتهم ” و طبعا لانه شريك ناس بتعمل افراحهم بره مصر بملايين الدولارات و ناس تانيه هاربه لدبي سهلوله الاستيلاء علي اراضي هو و شريكه في ارض وزاره الطيران المدني غير مزارع الاسماك في ارض الطيارين …. محدش بينفذ عليه القانون …… اشمعنا بأه رغم المستندات اللي اتبعتت للجهات الرسميه و اتنشرت كتير ولا حياه لمن تنادي و لو حد عاوز المستندات اللي بلا قيمه ابعتهاله حالا لو عاوز ……

اتمني ان الدوله تعامل الحيتان دي زي ما بتعامل ام الشهيد البطل اللي ضحي بحياته علشان مصر . الرائد خالد أبوبكر كيف تداهم مباحث التل الكبير منزل أم شهيد سيناء…………………………………….يعني .مباحث التل الكبير التي داهمت منزل ام الشهيد المجند البطل / احمد عادل وصفي شهيد سيناء اللي استشهد و هو بيدافع عن ارضنا و عرضنا من ٣ شهور علشان قرض ٥٠ الف جنيه اقترضتهم و الاخوان حرقولها المحل باللي فيه ، ما تروحو تتشطروا علي الحيتان اللي ناهبه مليارات منكو و مفيش حد عارف يكلمهم ولا تتشطروا علي تجار المخدرات اللي في التل الكبير و بتخافو تيجو جمبهم …… اي حد من طرف ام الشهيد او عنده معلومه عن رقمها فورا يكلمني خاص و يعتبر المبلغ اتدفع من اهل الخير و هم كتير و اي حد حييجي جمب بيتها تاني او جمبها بمجرد كلمه يعتبر شكوي رسميه وصلت لرئيس الجمهوريه بشخصه و لجهاز المخابرات الحربيه هم حيعرفوا يتصرفوا و ما تقولش قانون ، الرحمه فوق القانون …. في انتظار اي تواصل من طرف امً البطل”