حوار : محمدعامر _ محمدربيع
- كان شرطى علشان العب ان بنتى تقيم معايا فى القرية الاولمبية
- الشعب الانجليزى انحنى ليا احتراما …. انا بنت مصر
- دموعى فى ريو …… دموع حسرة وهناك تواطؤ لخسارتى
- زوجى ليس له مثيل بين الرجال
- الجالية المصرية فى لندن احتفلوا بينا بالكعك والبسكويت
- انا ست بيت والمكرونة بالباشميل والفراخ المشوية تخصصى
- أبى وأمي وزوجى سبب بطولاتى
- د حياة امى ومجلس البارلمبية والموظفين اخواتى وداعمين ليا
- د اشرف صبحى ساعدنى فى ازمه 2014 وسبب وجودى فى ريو
- انا امرأة مصريه بضعف وبقوى
- نفسى اقدم نشأ جديد وأبطال لمصر
فاطمة عمر بطله العالم فى تاريخ رفع الاثقال 5 ميداليات اولمبيه متتالية افضل لاعبه فى سجلات اللجنة البارلمية الدوليه المرأة الذهبية ومنذ ايام الاتحاد الدولى يعلنها اقوى امرأة فى العالم
وراء هذه الالقاب والميدانيات قصه كفاح لام مصريه تحدت الاعاقة وأجبرت العالم على احترامها
كيف بدأت ووصلت للعالمية ماذا عن اسرتها والجانب الاخر فى حياتها فى حوار خاص
البداية ولماذا رفع الاثقال؟
بدات فى سنه 1994 فى نادى ياسمينا (معهد شلل الاطفال سابقا) اللعبة الوحيدة الى استهوتنى رغم ان جسمى كان نحيل جدا بس كان نفسى اكون مختلفة وأكون بطله والدنيا كلها تتكلم عنى واثبت ان المعاق مش ضعيف
اكيد كان فى صعوبات ؟
انا كان عندى مشكله ازاى احافظ على بيتى وأكون لاعبه فى نفس الوقت وكانت معادلة صعبه واكيد لوحدى كان صعب لكن زوجى وأسرتى وقفوا بجانبى ورئيس اللجنة البارلمبية الاسبق د نبيل سالم وقف ساعدنى لانى كان شرطى الوحيد ان بنتى تكون معايا فى القرية الاولمبية وده طبعا مش سهل وفعلا عاشت معايا 6 سنين وكانت البيبى الوحيد فى القرية وخرجت منها على المدرسه وبدأت اطلع معسكرات خارجية بعدها
كل الميداليات غالية لكن ذهبيه لندن مختلفه ؟
من اقوى البطولات وأحبها لقلبى كنت سعيدة جدا لما الشعب الانجليزى انحنى ليا احتراما كنت فى قمة السعادة انى قدرت اكون سفيره لبلدى وكنت فخورة …انا بنت مصر
مع كل ميدالية كان فى دموع فرح يا ترى دموع ريو كانت كده ؟
كانت دموع حسرة مش فرح لانى كنت مسافرة احصل على الذهبية الخامسة وأسجل رقم وانجاز صعب يتكرر 5 ميداليات ذهبية متتالية وكنت محققه 150 كيلو فى البنش وواثقه من الفوز لكن حصلت مشاكل هناك وكان فى تؤاطؤ وكان عندى محاولة فؤجت ان الوقت انتهى وضاع حلم الذهبية وحصلت على الفضية وحتى الان حزينة على ضياعها
تحقيق البطولات والالقاب بالاصرار والعزيمه لكن اكيد فى ناس وقفت جنبك وساعدتك ؟
بعد ربنا سبب نجاحى لأكثر من 20 سنه ناس كتير ليهم فضل عليا اولهم والدى كان بيدعمنى ودايما فخور بيا ووالدتى ساعدتنى كتير واخواتى وأهل زوجى دايما يساعدونى
اما الداعم الاكبر ليا زوجى تعب كتير جدا معايا لانى دايما مش موجودة فى البيت وعمره ما حسسنى انى مقصرة فى حقه دايما راضى وسعيد بنجاحى
وكل مدرب حط لمسه فى التمرين انا أدين ليه بالفضل وهما كتير ك ايمن محمد على –
د على السعدنى المدير الفنى للمنتخب – ك محمود نبيل – ك عبد الحكيم فارس – ك ماهر عزت – ك عماد بهجت – ك عبد المنعم صلاح وكابتن شعبان الدسوقى المدير الفنى للمنتخب ولولاهم ماكانت فاطمة عمر
اما اللجنة البارلمبية ومجلس الادارة بقيادة د حياة خطاب بمثابة امى وأعضاء المجلس والموظفين اخواتى وبيحبونى جدا
شعورك لما تعرضتى لظلم وازمه كبيرة فى 2014 ؟
أخدت علاج خطأ وكان لازم اخد تصريح وانا ما اعرفش واتوقفت سنه وانا باشكر سيادة الوزير د اشرف صبحى على موقفه معايا وكان ساعتها نائب وزير قام برفع قضية فى سويسرا ووكلى محامى من بره وفضل معايا لغاية ما وصلت ريو دى جانيرو
ازاى اتعرفت على زوجك وامتى تم الزواج ؟
عبد النى محمود كان زميل ليا فى اللعبة اتعرفت عليه سنة 2000 وتزوجنا 2002 وانا باحمد ربنا عليه لانه عنده وعى رياضى ومختلف عن كل الرجالة دايما بيحب نجاحى ويقولى انا بشوف فيكى نجاحى الى مقدرتش احققه ودايما سندى وفى ظهرى
اما بناتى شهد عندها 17 سنه فى ثانيه ثانوى وليلى 9 سنين والحمد لله احنا اسرة متفاهمة
القوة والصلابة فى اللعب سمات شخصيتك فى الحياة ؟
انا انسانه عادية ذى اى ام مصريه بضعف وباقوى بحب وبكره بس الحمد لله ربنا انعم عليا بقلب لين ولكن ببقى قوية لو حد طلب اقف جنبه
شاطرة فى المطبخ ذى البطولات ؟
الحمد لله بشهادتهم انا ست بيت وبحب المطبخ ودايما بيحبوا اعملهم مكرونة بالباشاميل وفراخ مشوية
بس انا اغلب رمضان بأحب اتواجد مع ماما فبروح انا وزوجى وبناتى
حضرتى رمضان خارج مصر؟
مر واحدة كنا فى اولمبياد لندن 2012 وتقريبا شهر رمضان والعيد قضيناه هناك وطبعا الاجواء بره غير عندنا احنا هنا رمضان ليه طعم خاص لكن الجالية المصرية هناك عملوا كحك وبسكويت واحتفلوا بينا لكن اكيد مختلف وافتقدت الروحانيات الموجودة فى مصر
امنياتك واحلامك؟
نفسى اشوف بناتى فى ارقى مناصب لانى حريصة جدا على تعليمهم وربنا يحمينا ويسلمنا جميعا من الكورونا وابدأ اتدرب واستعد لطوكيو واحصل على الذهبية واعتزل
طموحاتك بعد الاعتزال ؟
اتمنى انى استمر فى نفس المجال مدربة اوادارية لو فى امكانية
وكنت طلبت انى اعمل مؤسسه او مكان اقدم فيه نشأ جديد وأدربهم وانقلهم خبراتى ويكونوا ابطال عالم ولو الوزارة تساعدنى ياريت