ازدحام شديد أمام مدرسة جواد حسنى بسبب تحويلات الطلبة بالدقهلية

كتبت : شيماء العدل 

استغاث الأهالى بالمسئولين نتيجة الإزدحام والتكدس أمام مدرسة جواد حسنى بمدينة المنصورة محافظة الدقهلية لأنها المدرسة الوحيدة التى يتم بها تحويلات المحافظة .
حيت قالت مها أحمد “إحنا جينا يوم تقديم الأوراق وملقناش موظفين ولما طلعنا للمديرة قالت روحوا لوكيل الوزارة رغم أنهم عارفين ميعاد التقديم ولقينا شباك واحد صغير ومفتوح وعليه زحمه ووقفنا كتير لحد ماقدمنا الورق ورجعنا النهاردة وبرده زحمة نروح لمين كدا كتييير ” .
وواصل أحمد محمود ولى أمر “نفس المنظر لتانى مرة تعليق الناس كل تحويلات محافظة الدقهلية فى مكان واحد ومن الساعة 7 الناس واقفين ف الشارع بنحاول نسمع الموظف الوحيد اللى بينادى على الاسماء وطبعا صوته مش مسموع على الاطلاق ،،

وعبرت منى السيد ولية أمر عن استيائها “احنا واقفين من الساعة 7 وأنا بحول للأزهر والتحويل بيفتح يوم أو اتنين وأنا خايفة ملحقش أنقل لابنى ” .

واقترح محمود إبراهيم “ليه ميبقاش مدة التحويل وقت أطول من كدا علشان الزحمة تقل وليه مدرسة واحدة فى المحافظة اللى مسئولة عن التحويل المفروض يبقى كل مركز فيه مكان للتحويل ومنفضلش نتبهدل كدا كدا حراام “.

كما واصل شكرى السيد “لازم يكون فيه ميكرفون علشان نسمع صوت الموظف وهو بينادى على ولادنا كدا حرام والله ” .