نورا عمرو
نشر الناقد الفنى”حسين إسماعيل” على صفحته الرسميه على”فيس بوك”رأيه فى أداء الفنان “عمر عبد الحليم”حيث قال”( عمر عبد الحليم ) … دى مش أول مرة أكتب عنه ، دى تانى مرة بعد ما شفته فى العرض المسرحى ( روح ) … ( عمر ) من الممثليين اللي بشوف بينه و بين الفنان الراحل ( توفيق الدقن ) تشابه كبير جدا من حيث الجدية اللي ممكن تقلب ضحك ، لكن بيضاف لـ ( عمر ) فى نفس الوقت أنه ميأثرش على الشخصية اللي بيقدمها و يخليك تحبها و ده قمة النجاح ، أنه يخليك تضحك و فى نفس الوقت تفضل على موقفك تجاه الشخصية الشريرة اللي بيقدمها و تفضل كارهها ، على عكس مثلا مسرحية ( مدرسة المشاغبين ) هتلاقي نفسك بتحبهم جدا و مش مدرك أن دول طلبه فشلة … فتنسي عيوبهم من كتر حبك ليهم … و ده اللي أنا بسميه فى الفن ( الحب الأعمى ) أو ( حب المراهقين ) … حب ملوش قواعد … عشان كده ( عمر ) بالنسبالى من أهم و أقوى الممثليين فى جيله و اللي هيكون ليه شأن مهم جدا فى الدراما العربية .
التعليقات