محمد على محمود

هدد أهالى قرى الزهراء وإنشاص البصل وكفر أباظة وطاهرة حميد وكفر الدنوهيا التابعة للوحدة المحلية بقرية الزهراء بمحافظة الشرقية عدم الخروج للإدلاء بأصواتهم فى الأنتخابات البرلمانية القادمة والمقرر لها يومى 22 و32 من الشهر الجارى إعتراضا منهم على عدم تنفيذ وإعتماد مشروع الصرف الصحى الخاص بهذة القرى

ومن جانبهم دشن شاب هذة القرى صفحة مقاطعون الإنتخابات لتفيذ مشروع الصرف الصحى
ودشن أدمن الصفحة الاخوة الكرام نرجو مزيد من الجهد هي دي فرصتنا لتوصيل صوتنا للمسئولين ماتنسوش ان الوقت بيمر بينا ولازم نعمل اكبر عملية ضغط لكي يصل صوتنا للمسؤولين في البلد دي ولكي يتم نشر قضيتنا علي نطاق اوسع كل واحد يوافق علي انوي الحضور اسفل البوست ويشير من هنا علي صفحته ويبعتها لاصدقائه عشان تنتشرعلي اوسع نطاق وصدقوني نقدر نعمل حاجة لو تكاتفنا وكان هدفنا واحد وفرصتنا في الضغط قبل اجراء الانتخابات ومش عايزين نصطدم بحد من اهلنا نحاول نقنعهم بهدوء

الجدير بالذكر هو تكرار حالات التسمم الجماعي بين اهلى هذة القرى بسبب إخطلات مياة الشرب بمياة الصرف الصحى وقيام الجرارات بتفريغ مياة الصرف الصحى فى الترعة الرئيسية للقرية ما يؤدى الى تسمم مياة الشرب

ويقول محمد عبدالحليم مطر أمين شرطة أكتر من 5 برلمانات متعاقبة كل مرشح يوعدنا بتنفيذ مشروع الصرف الصحي وبعد الإنتخابات ما نشوفش وشه كل يوم ناس تموت بالفشل الكلوي بسبب مياه الصرف إللي بنروي بيها زرعنا وبتتسرب لمياه الشرب والمياه الجوفية ومستقبل صحة عيالنا بقي اسود من السواد كفاية كده مش هنشارك في أي فعالية إنتخابية قبل ما يتم البدء الفعلي في تنفيذه

ويضيف محمد شميس محاسب حرام أحنا بنشرب مياة ملوسة وكل سنة ناس من أهلينا بتدخل المستشفيات بسبب تسمم المياة أحنا بناشد الرئيس بالنظر الينا بعين العطف