نورا عمرو

وضح الفنان “أحمد زاهر” عبر حسابه الشخصى على موقع التواصل الإجتماعى”فيس بوك” حقيقة عدم حضوره لمهرجان القاهرة السينمائى حيث قال”طيب بما ان المصدر بيسيح و بيفضح الفنانين اللي ماراحوش فمن حقي أني أدافع عن نفسي اولا انا كان عندي تصوير في نفس اليوم في ديكوري و مفيش مشهد من غيري في استوديو المغربي وبيتهيالي تقدروا تتاكدوا من ده و حاولت اأجله معرفتش طب اعمل ايه و ثانيا بصراحه مش مقتنع أني أكون سعيد و لابس و متشيك و بضحك قدام الكاميرات و الناس عشان مهرجان بلدي وانا اصلا حزين و متدمر عشان وفاه الفنان محمود عبدالعزيز و تاني يوم أكون في العزاء حزين و متاثر ايه التناقض ده انا معرفش أكون متناقض يعني حتي لو مكانش عندي تصوير مكنتش قدرت اروح لاني مابعرفش أكون متناقض واكيد زملائي كان عندهم ظروف برضه لان اكيد نتمني جميعا الحضور و تدعيم مهرجان بلدنا وعلي فكره أنا مش بلوم اي حد من زمايلي اللي راحوا المهرجان مهو لازم ناس تروح و تدعم المهرجان و تكون عندها القدره علي انها تفصل و لكن انا بتكلم عن نفسي انا اللي مقدرش هي قدرات و للأسف القدره دي مش عندي و عموما الف مبروك لافتتاح مهرجان بلدي واتمني له كل النجاح و التوفيق و الازدهار