البيان
حد سمع عن ياسمين يحيى مصطفى قبل كده؟
شركة هاينمان الأمريكية اختارت قصة النابغة ياسمين يحيى مصطفي بنت قرية المنازلة بمحافظة دمياط عشان تتعمل كتاب ويتوزع منه مليون نسخة علي المدارس والجامعات عشان الطلاب يتعلمو منها ويحاولو يبقو زيها.
ياسمين حصلت علي المركز الأول علي العالم في معرض إنتل للعلوم والهندسة من بين ١٧٠٠ متسابق من اكتر من ٧٨ دولة، واللجنة اللي كانت بتحكم كان فيها أعضاء واخدين جايزة نوبل عشان تبقي الشخص العربي الوحيد اللي حصل علي الجايزة دي منذ انطلاقها ودي تعتبر من أكبر الجوائز في العالم اللي بيتم تخصيصها للمشاريع العلمية الواعد ..
مش بس كده تقديراً للإنجاز ده وكالة ناسا الفضائية أطلقت إسم عائلة ياسمين علي مجموعة من الكويكبات اسمها (MOUSTAFA31910 ) .. متخيل العظمة؟
ياسمين عندها ٢٥ سنة دلوقتي بس ورغم كده بيتم دعوتها للمحاضرة في المؤتمرات الدولية الكبري وحاليا بتشتغل علي اكثر من مشروع علمي وبيتوقع لها مستقبل باهر.
ياسمين و اللي زيها بجد نموذج مشرف و مبهر جداً و كلنا بندعمها