أمريكا فيها مجلسين، مجلس النواب (٤٣٧ عضو) ومجلس الشيوخ (١٠٠ عضو). الأغلبين في مجلس النواب لحزب الديمقراطيين، ولكن الأغلبية في مجلس الشيوخ فهي للجمهوريين بتوع ترامب ٥١ من اصل ١٠٠ عضو.
ليلة امبارح مجلس النواب صوت بأغلبية ٢٣٠ عضو مقابل رفض ١٩٧ عضو على عزل ترامب وفقا للدستور الأمريكي لأنه ضغط على حكومة أوكرانيا وربط مساعدات بتقدمها الولايات المتحدة ليهم بأن حكومة أوكرانيا تحرك قضية ضد نجل خصمه في الانتخابات جون بايدن، لان ده استغلال نفوذ واستغلال وظيفة لحسابه الخاص، ده غير انه أثناء التحقيق عرقلة العدالة وحاول يخفي الحقيقة.
هل بكده ترامب في الشارع؟! لا لسه، ولو انسان عنده كرامة زي الرئيس الامريكي نيكسون كان قدم استقالته مباشرة بعد قرار مجلس النواب بعزلة…لان لسه فيه خطوة مهمة! القرار المرة دي في يد مجلس الشيوخ (١٠٠ عضو)…هاتتنصب له محاكمة في مجلس الشيوخ برئاسة رئيس المحكمة العليا الأمريكية…وزي ما قولت الأغلبية في مجلس الشيوخ هي لحزب ترامب (٥١ من أصل ١٠٠ عضو). وعلشان يصدر مجلس الشيوخ قرار نهائي بعزل ترامب، لازم أغلبية ثلثين المجلس يعني مش أأقل من ٧٠ عضو!!!!! من ال١٠٠!!! ومعلومة بس، مفيش ولا عضو من أعضاء مجلس النواب اللي من حزب ترامب صوت ضد ترامب، ال٢٣٠ دي كلها أصوات حزب الديمقراطيين.
وده معناه، أنه طالما ترامب متمسك يواصل ولم يقدم استقالة من نفسه، وكون إن الديمقراطيين محتاجين على الأقل ٢٠ صوت من الجمهوريين يصوتوا معاهم لعزل ترامب…فالمهمة شبه مستحيلة…ويالتالي الاحتمال الأكبر إن ترامب “مكمل للأسف الشديد”!! وخاصة إن المواطن الأمريكي عامل زي الطفل اللي عايز ياكل ويشرب ويلعب ويهيص، ومش هامه ولا شاغله يعرف أبوه جاب الفلوس منين!!!…وترامب زي ما قولنا قبل كده مظبط الأمريكان ومخليهم في نعيم وظايف ودخول وهيصة، وكله على حساب ومن جيوب الشعوب المنكوبة!!!!… مليارات ومصانع شغالة في أمريكا حاليا بفلوس ومليارات الأغبياء، لإنتاج السلاح للأغبياء في الدول المتخلفة، ليقتل وليفني بعضهم بعضا!!!! مش كده ولا أيه…مش قولنا إن كلمة السر هي “المصلحة”…. ما شاهدناه ليلة أمس ماهو إلا تمثيلية هزلية هليودية، هدفها إيهام وخداع البسطاء في العالم بأن هذا بلد ديمقراطي!!! إنه صراع مصالح (بدليل عدم تصويت جمهوري واحد على عزل ترامب!! فأين القيم إذا؟!)، ومسلسل نهايته معروفة والله…وأتمنى من كل قلبي أن يخيب ظني…أ