بسمه
بقلم : شيماء اليوسف
قالت أكتبيلي شعر
والشعر كيف يوصفك
يا حلوة الخدين
وأنا حبري مرسوم بلون رسمك
يخاف عليكي من الحسد والعين
صوتك يا حلوة الحلوين
دلع
منين ما اسمعك قلبي ينخلع
وأنا والعشق مساكين
أيش تطلبي قولي
يا ست الجمال والحسن
والقلب خدامك
لأجل ما يبتسم خدك
ويدق الفرح بابك
ده القلم والحبر ليكي
متزوقين
في طلتك صبح الهوى سكران
معذور يا “بسمه ”
ده النجوم جمب القمر
ملهمش لازمه
وعجبي علادي ضحكه
صافيه بلون السما
اللي يشوفها يدوق الهنا
كأنك بلسم حنين
يا غاليه على قلبي
أشيلك فين
والورد حالف ليخطفك
بميت يمين
يا غصن خوخ مسحور برمشك
منين ما أروح يغازلني همسك
أقوم أشوفك ساعة ضحى
الأقي الفل بيتوضى من ضيك
فيغار الياسمين
يا حلوتي
طب قوليلي أعمل أيه
رحت لحكيم سألته ليه ؟
سألني : دي صحبتك ؟
جاوبت : أيوه يا بيه !
فكتبلي حرفك وصفه
تتلاقى في حواديت العاشقين
طب أروح لمين ؟
وأنا على حالي من سنين
ما انتي الرفيق وانتي الطريق
وأنتي غالية الغاليين
التعليقات