البيان تنفرد بحوار مع “وليد توفيق”أثناء زيارتة لدعم مصر للطيران
إجراء الحوار وكتابة:نورا عمرو
وليد توفيق (24 نيسان 1957 -)، مغني لبناني من أصل سوري، ينحدر من عائلة توتونجي.
نجح بصورة مستمرة في مصر، وأيضاً يعرف بحفلاته وظهوره في تسجيلات فيديو. شارك في العديد من الأفلام السينمائية الناجحة منها سمك بلا حسك مع دريد لحام، قمر اليل مع ليلى علوي انا والعذاب وهواك مع صابرين، وداعا للعزوبية، وساعي البريد. إلا أن أنجحها كان فيلم من يطفئ النار مع فريد شوقي وآثار الحكيم ورغدة وإخراج محمد سلمان، وهذا الأخير مخرج أغلب أفلام وليد وصانع نجاحه في السينما. تطرق هذا الفيلم للحرب الأهلية وغنى فيه أكثر أغنياته جماهيرية على الإطلاق انزل يا جميل عالساحة.
يمتاز وليد توفيق بالإضافة إلى موهبته بالغناء بموهبة متميزة بالتلحين بدليل نجاح الأغاني التي لحنها لنفسه مثل وحدك حبيبي وعشقك عذاب. يذكر أن له كثير من الأغاني منها أبوكي مين يا صبية، بهية، لفيت المداين، ايه العظمة دي كلها، واه واه، تيجي نقسم القمر، وكثير من الأعمال الناجحة
_لماذا جئت إلى مصر تحديدا فى الوقت الحالى ؟
أولا جيت لأن مصر بلدى الثانى ومش غريب عليا إنى أجى مصر لكن تانى يوم بعد الحادثه الأليمه أولا أنا بعزيكى وبعزى الشعب المصرى وربنا يصبر أهل الشهداء
فطلعت على مصر لأقف بجانب مصر للطيران لأنى عارف الحقد إللى على مصر إللى بنشوفه ونحسه كل يوم وكل ما مصر بتقف على رجليها بتحس إن فى حدا مش عايز إنها تقوم ودة إنتمائى وواجبى وتربيت جيلنا ومصر إللى قدمت فيها أعمالى ودى مش أول مرة بسافر على مصر للطيران أكتر فتراتى كلها إلى مصر عن طريق مصر للطيران وهية فيها ميزة بتحس إنك مع الناس بتوعك وأصحابك وفعلا كانوا عاملين حاجة للفنانين
محدش عملها كانوا عاملين خصم للفرقة الموسيقية إللى بتطلع مع الفنان وخصم معين لأى فنان عربى بيجى مصر وزائد حبى لمصر أنا بحب مصر ودايما بقول من قلبى مصر بخير إحنا بخير
_هل ستطرح عمل لمصر قريبا؟
لسة مخلص أغنية وهصورها إللى هيه يباركولك الحبايب
_ما هي رسالتك للشعب المصرى والشعوب العربية؟
أنا رسالتى واضحة إحنا بلبنان حصل عندنا حرب15 أو 20 سنة الشعب قتل بعضة أخ وأخوة ولحد الأن لبنان بيدفع الثمن ونحنا إتعودنا مصر بتعلمنا الوطنية والإنتماء لوطن يعنى أحلى حاجة فى المصرى وأنا بقولها دايما اللبنانى ممكن يشتم بلدة وهوا جوة لبنان
لكن ما تشتميش الزعيم فى منطقتة مثلا لكن المصرى اشتم فى كله إلا مصر ودى حصلت معايا فى سوريا مرة لما راح السادات للقدس فى وقت السلام واحد غلس بدأ يشتم سابوا
لكن لما سمعه يشتم مصر ساب ال صنية إللى فى إيدة و جرى مسكوا من خوانيقة وعايز يقتله وصار يعيط علية ويقوله إلا مصر وعايزين نبص لمصلحة مصر وأنا بقول مش وقته دلوقتى لا شماتة ولا شىء من هذا القبيل دلوقتى مصر عايزة كل إيد خير لازم نبص لمصر كلنا لازم نبص للبنان غير كدة كله رايح الأهرام من 7000 سنة وأبو الهول مش هيروحوا مصر موجودة وفين سوريا دلوقتى وأنا بدعى من ربنا ترجع أحسن مما كانت وأنا لما بيسألونى بسوريا إنت مع مين بقول أنا مع الشعب السورى
همة إللى باقيين لا الحزب دة هينفعنا ولا الحزب دة هينفعنا إللى بينفعنا بلدنا ونكون إيد واحدة نشوف ليبا والعراق حصل فيهم إية ربنا حمى مصر وادخلوها أمنيين لازم نحترم البلد والناس الغلابة و محتاجين نحب مصر ونحب بعضنا
_ما الرسالة التى يجب أن تقدم فى أغلب الأعمال الفنية الأن من وجهه نظرك ؟
حب الوطن فقط لا الزعيم ولا السياسى ولا الحزب ولو مصر بخير هنبقى كلنا بخير
_ما أعمالك القادمة؟
أنا لسة منزل ألبوم إسمة وليد توفيق 2016 فية 9 أغانى من ألحانى تعاونت مع شعرا مصريين والحمد لله فية اغنية منهم مغربية هصورها اسمها روح وما ترجع يا ليل
واغنية تانية اسمها الليله دى بنشوفها دلوقتى على المحططات الفضائية وصورت للرسول علية الصلاه والسلام دعاء جميل جدا ألحان فاروق سلامة وهينزل فى رمضان إن شاء الله ونزلته قبل كدة بدون صورة ولكن هينزل فى رمضان فيديو كليب
_رسالتك فى نهاية الحديث؟
بعزى مصر وشعب مصر وإن شاء تعدى الأزمات ونحب بعض أكتر ونمسك فى إيديين بعض أكتر أنا شوفت الحرب بلبنان وإية اللى حصل وشوفت البلاد العربية بتشتعل نار وربنا يحمى مصر وشعبها وزيارتى لمصر واجبى
