تصوير /وليد صلاح
الشاعر محمد ابراهيم جمال الدين عضو مجلس ادارة رابطة الزجالين وكتاب الأغانى يكتب قصيدة بعنوان ؛؛ نفض غمك ؛؛
عوم.. قدف.. نفض غم
ثلاثين سنه غرقان ف الهم
حرر سعر الصرف ياعم
اكدب مره وقولي دولار
جالي هبوط من كتر النوم
كله بيرمي عليا اللوم
نفسي اعدي البحر واعوم
حتى ولو ضد التيار
سيبني اعوم وأنا هارجع تاني
قيمتي تساوي دولار وياباني
ليه تربطني بكاني وماني
خليك ليا الابن البار
ليه ف الوارد ما بتدفعشي
وانا ف الصادر ليه ما انفعشي
ليه تخليني رخيص ما اتبعشي
ليه بتحبسني وجوه الدار
صنع.. زود ف الانتاج
شغل ايد عامله ومحتاج
ف التعمير لبسني التاج
ويعظملي ف اي مطار
افتح مصنع كان مقفول
علشان منتج ابن اصول
ابعد فاسد كان مسئول
عن مستثمر ولي وطار
ازرع قمح وقطن كمان
حسن.. زود ف الفدان
خلي الشعب يعيش ف امان
أعمل صلح مع الأسعار…
التعليقات